عندما يعشق الشيطان(الفصل الحادي عشر)
- اغلق فريد الهاتف بغضب .. وانطلق بالسياره بسرعه وكان الشياطين تلاحقه..
تمتمت عهد بخفوت : ف حاجه ؟!
هتف فريد وهو يجز ع فكه: لااا .. مشكله بسيطه وهحلها .. معلش يا عهدي هروحك ونكمل بكلامنا بكره ..
عهد بخفوت: لا عادي .. بس ابقي طمني عليك
حدق بها فريد وابتسم: حاضر يا عمري !!
،،،،،،،،،،،،،،،،،،،،،،،،،،،
وصل فريد امام مركز الشرطة ف نفس وقت وصول والده .. تأرجل من السياره .. والتقاء أمام المركز
هتف احمد بغضب : ايه اللي حصل يا فريد اخوك فين ؟!
غمغم فريد: اهدي يا سياده اللواء عمر بخير بس انا لسه واصل اتفضل !!
دلف اللواء احمد وخلفه فريد حتي وصلا الي مكتب مأمور المركز .. دلف الي المكتب وهب المأمور مرحبا بهم ..اخذ احمد عمر بين أحضانه ..
وهتف : ايه اللي حصل وابني هنا ليه ؟!
هتف المأمور : طيب اقعد استريح يا سياده اللواء وهفهمك كل حاجه !!
جلس احمد وغمغم بغضب : ازاي تقبضوا عليه اصلا؟!
الضابط اللي قبض عليه ميعرفش هو ابن مين ؟!
فريد بهدوء : يا سياده اللواء الضابط بيعمل واجبه مش اكتر ”
المأمور مؤيد كلمات فريد: ياباشا انت رجل مسئول..
وعارف القانون كويس .. وابنك متهم بشروع ف قتل !!!
هب احمد بفزع : شروع بقتل ازاي ؟! وحاول يقتل مين ؟!
صاح عمر: حور يا بابا .. دي واحده خاينه وانا مش ندمان ع اللي عملته فيها ..
المأمور ناصحا : لازم نشوف طريقه نطلع عمر منها .. لان زي ما حضرتك عارف عقوبه الشروع في القتل متقلش عن ١٥ سنه ..
حدق احمد ف عمر وصاح : عاجبك كده ؟! أنا من الاول مكنتش عايزها الجوازه دي .. ونفترض أنه طلعت شمال تضيع نفسك بتهورك ده عشان واحده ش**** !!
نهض فريد وهتف : الكلام ده ملهوش لازمه دلوقتي يا سيادة اللواء .. الموضوع ده هيخلص حالا عن اذنكم ..
خرج فريد من المكتب ثم من القسم وهو يظفر بحنق
وصل إلي المشفي سئل ع غرفه حور ودلف الي الغرفه بهدوء يسبق العاصفة
بلعت حور ريقها وغمغمت : اهلا يا باشا شوفت اخوك عمل ف ايه ؟!
حدق به فريد من قدمها الملفوف ف الجبس .. وذراعها أيضا ثم وجهها التي تغيرت ملامحه..
رفع حاجبه وتمتم بصقيع : والله تسلم أيده يلا انتي بت حرام وتستاهلي ”
شهقت حور وهتفت : بقا كده ،، طيب انا هوديه ف ستين داهيه !!
فريد ببرود : الستين داهيه دول .. هحط عليها ألف واوديكي انتي واهلك وراء الشمس !!
غمغمت حور بحده : قصدك ايه ؟!
هب فريد وزحف ببطئ حرق اعصاب حور ثم أخرج من سترته هاتفه وغمغم : والله شركات الافلام
ال **** هيتسابقوا عليكي…
ثم أشهر الشاشه ف وجه حور وغمز لها : ايه الأداء الرائع ده ؟!
برقت حور برعب وهي تحاول خطف الهاتف من يد فريد
سحب فريد الهاتف بسرعه وتمتم بصقيع : تؤ تؤ يا حلوه “‘
ثم هتف : الا قليلي ده نشاط زايد ولا منشطات ؟!
لف الصقيع الذي ف صوت فريد قلب حور وغمغمت : انت عايز ايه بالظبط ؟!
جلس فريد مره اخري ووضع رجل ع الاخره وغمغم : ولا حاجه أنا اللي مزعلني ابوكي المسكين هيعمل ايه لما يعرف أن بنته الباشمهندسه العظيمه ليه قناة اباحيه مكسره الدنيا ف السوشيال ميديا ؟!
هبت حور بغضب : محصلش .. أنا معنديش قنوات .. اي الكلام الفارغ ده ؟!
أخرج الهاتف مره اخر وعبث به واشهره أمامها من جديد وهتف: امال دي قناة مين ؟!
دارت الغرفه بحور وغمغمت : انت عايز ايه ؟!
- تتنازلي ع المحضر .. وتختفي من الوجود لأن المره اللي جاي أنا اللي هقتلك بايدي !!
- حاضر هتنازل والقناة والفيديوهات ؟!
نهض فريد وهتف : كله هيتمسح اول ما اخويا يطلع.. بس هيكون ف نسخه من كل حاجه يعني .. عشان لو فكرتي تلعبي بديلك ولا حاجه ..
خرج فريد من المشفي وذهب الي القسم وكانت ساعه واتنازلت حور واخبرتهم أن من فعل بها هذا لم يكن عمر وكان حرامي حاول سرقتها .. وخرج عمر وذهب مع والده وفريد الي منزلهم .. استقبلتهم حنان بفرحه عندما رأت معهم عمر أخذته بين أحضانها وهتف : حمد الله على سلامتك يا قلب أمك
قبل عمر راس حنان : الله يسلمك يا امي ..
زفر احمد وهتف : يارب بس تكون اتعلمت اخد الحق حرفه يا بني ادم ..
- أنا آسف يا بابا ع الموقف اللي حطيتك فيه !!
- أنا مش زعلانه منك يا ابني .. الواحد وقت الغضب بيكون مش ف وعيه .. أنا عندي شغل ف المكتب ابعتيلي قهوتي يا حنان ..
- حاضر يا حبيبي ..
ضمة حنان عمر مره اخرى وهي لا تصدق ما حدث ..
هتف فريد بمرح : هم كام ساعه يا نونه هو غاب سنه عشان ده كله ..
غمغمت حنان بسعاده: حبيبي ربنا ما يغيب حد فيكم ع حضني ابدا ..
ابتسمت سما بحزن وغمغمت : الحمد الله ثم هتفت انا هطلع انام يا مامي !!
صعدت سما الي غرفتها ورمقها عمر بحزن شديد..
ربت فريد ع قدمه وغمغم: اطلع وراها صلح اللي هببته يا حيوان …
تمتم عمر بحزن : هتسامحني بعد ما اتهمتها بالكدب ومدت ايدي عليها ؟!
حنان بدموع : هتسامحك طبعا .. اختك بتحبك من الصبح مموته نفسها من العيط عليك ..
فريد بمرح : والله ما تستاهل يا غبي ..
صعد عمر الي سما وغمغمت حنان برفعت حاجب : وانت مش هتقول ايه حكايتك من صحبة اختك ؟!
- ايوه بقا كلهم انسحبوا مفضلش غيري يا نونه !!
هتفت حنان بقلق : فريد أنا مش بهزر .. البنت باين عليها بت ناس .. وهاديه وخجوله ولسه صغيره يعني مش استايلك خالص ؟؟
فريد برفعت حاجب : وانا يعني دراكولا ؟؟
حنان بحب : لا يا حبيبي .. انت احسن واحد .. بس انت من دنيا وهي من دنيا وده واضح !!
اقترب فريد منها وهتف : أنا معرفش كل ده انا كل اللي عارفه اني بحبها اوي .. وعايزها اوي ..
حنان برفعت حاجب: عايزها يعني ايه ؟!
- عايزها يا امي … افهملك ازاي .. يعني عايز العاب معاها الشايب عايزها مراتي طبعا !!
تنهدة حنان ووضعت يدها على قلبها: حرام عليك وقعت قلبي طب وهتعمل ايه ؟!
نهض فريد وقبل راسها : متقلقيش انتي كله هيبقي تمام !!
صعد فريد إلي غرفته ونام بمجرد وصوله الي الفراش ….
،،،،،،،،،،،،،،،،،،،،،،،،،،،،،،،،،
ف غرفة سما
هتف عمر بمرح : يعني خلاص صافي يا لبن !!
سما وهي تحضنه : حليب يا قشطه طبعا !!
ثم حدقت ف وجهه وغمغمت : متزعلش يا عمر ربنا شيلك الاحسن اكيد ..
تنهد عمر وتمتم : ونعمه بالله .. متخفيش دي وحده زباله متستحقش ازعل عليها ..
ابتسمت سما وصاحت : الحمد لله أنا كنت هموت الايام اللي فاتت لولا عهد وهويدا مش عارفه كنت هعمل ايه ؟!
حدق بها عمر وهتف : عهد هويدا دول اللي كانوا هنا النهارده ؟!
- اه هم !!
وقصت عليه سما كل شي من البدايه
ضرب عمر جبهته وهتف : يعني هم ساعدوكي وانا انصرفت معاهم كده أنا غبي اوي !!
– اوي بصراحه “‘
عض عمر شفته وغمغم : أنا لازم اعتذر صح !!
هزت راسها وتمتمت : المفروض “”
هتف بتساؤل : انتي هتشوفيهم امتي ؟!
- بكره ف الكليه !!
- خلاص انا هجيلك بكره واعتذر لهم اوكي !
- اوكي يا عمر “”
نهض عمر وقبل راس سما وغمغم : يلا حبيبتي تصبحي ع خير ‘
- وانت من أهله ,
،،،،،،،،،،،،،،،،،،،،،،،،،،،،،،،،،،،،،،
عند عهد
اخذت عهد الغرفه ذهابا واياب بقلق وهي تعض ع أناملها …
هتفت هويدا بحنق : يابت اهمدي بقا خيلتيني ..
عضت عهد شفتيه وصاحت : هتجنن من القلق .. وفريد موبايله مقفول !!
- الله الله احنا وقعنا ولا حدش سما علينا ؟!
جلست عهد ع فراشها وغمغمت : انتي بتقولي فيها ؟
دا انا وقعت ع جدور رقبتي .. غرقت فيه يا دوده ..
ضحكت هويدا بمرح : بركاتك يا حضرة الرائد !!
- بدل ما انتي بتتريقي عليا فكري معايا أنا عايزه اطمن عليه ”
هزت هويدا راسها وهتفت : بسيطه اتصلي بسما !
– ياخبر أنا ازاي نسيت سما ؟!
- اللي وخد عاقلك يتهنا به “”
اتصلت عهد بسما واخبرتها سما بكل شىء ::
تمتمت عهد : طيب وفريد فين دلوقتي ؟!
- هو جاي من بره تعبان ونام ”
عهد بزهول : نام !!
سما بخفوت : أنا لخبط الدنيا ولا ايه ؟!
عهد بتوتر: لا ابدا يا قلبي .. تصبحي ع خير ..
- وانتي من اهل الخير !
عهد بغضب : شوفتي من اولها بيطنش وينام من غير ما يطمني عليه “‘
حدقت هويدا فيها بذهول: ف ايه يا عهد يمكن تعبان ولا مرهق !!
عهد بخوف : تعبان .. تعبان ليه ؟!
رفعت هويدا حاجبها وغمغمت: حبيبتي مالك انتي بتقفشي ف الكلام كده ليه .. قصدي مرهق مش هو كان لسه جاي من السفر ع المشكله اللي حصلت ؟!
اومات عهد : عندك حق .. بس برده يطمن عليه وبعدها بنام براحته ..
ضربة هويدا كف ع اخر : يا سلام .. طب روحي نامي يا عهد الوقت اتاخر !
,,,,,,,,,,,,,,,,,,,,,,,,,,,,,,
عند الجامعه
كان فريد وعمر يجلسان ع كبوت السياره ينتظروا خروج البنات رفع فريد رأسه من الهاتف ع صوت عمر : اهم طلعوا !!
نزل فريد وهتف : تعتذر .. وتاخد هويدا وسما توصلهم “”
حدق عمر بفريد بمكر : طيب وعهد ؟!
مسد فريد ع انفه وهو يرمق عهد : عهد دي بتاعتي ‘
ضحك عمر وغمزه : طول عمرك نمس !
– طب اخلص !!
وصل البنات إليهم لكن عهد وهويدا ساروا دون النظر إليهم
عمر بذهول : ايه ده في ايه أنا حسدتكم ولا ايه ؟!
قطب فريد حاجبه وهتف: مالها يا سما؟!
سما بخفوت : زعلانه منك يا أبيه عشان نامت امبارح من غير ما تطمنها عليك !!
ضرب فريد جبهته وهرول بتجاه عهد وقف أمامها وهتف : عهد استني !!
تحركت عهد من جديد وهي تحاول السير بعيد عنه : لو سمحت ؟؟
وقف فريد أمامها من جديد : عهد اسمعيني وبلاش شغل عيال “”
تقدم عمر وهتف الي هويدا التي تضحك ع عهد وفريد …
وقف خلفها وتمتم : وربنا احلي ضحكه ف الكون ..
التفت هويدا وتطاير الشرر من عينيه : انت ليك عين تكلمني بعد اللي انت عملته يا بني ادم انت ؟!
حدق عمر وغمغم : والله أنا حيوان عشان زعلتك أنا آسف اوي .. بس المفروض تقدري موقفي ؟؟
عند فريد همس : والله يا قلبي كنت تعبان اوي .. كان لي تلات ايام منمتش .. وغصب عني اول ما شوفت السرير محستش بنفسي .. حقك ع روحي وقلبي !!
رق قلب عهد وتمتمت : أنا بس كنت عايزه اطمن عليك !!
هتف فريد ومسك يدها: يلهوي يا ناس أنا ف ملاك مستني يطمن عليا .. يا بركة دعاكي يا نونه “”
ف لحظه نزعت يد قويه يد عهد من بين كف فريد بصوت جهوري غاضب : انت مين ؟؟ وماسك أيدها كده ليه ؟!
ووووووووووو
،،،،،،،،،،،،،،،،،،،،،،،،،،،،،،،،،،
ساحره القلم ساره احمد
